INFORMAZIO GEHIAGORAKO

AMPLIAR INFORMACIÓN 

 

 

 Kudeaketa akademikoa internetez


                  -SARTU


Aurrematrikula sasoia iritsi da eta badakigu asko zaretela zuen umeentzako ikastetxea aukeratzen ari zareten familiak. Guk pozik erakutsiko genizueke arduraz, ahaleginez eta maitasunez eraikitzen ari garen eskola, baina zoritxarrez hori ez da posible mementu honetan.  Horregatik, laster web orri honetan jarriko dugu gure ikastetxeko aurkezpen bideoa.  Horrez gain, gurasoen galderak erantzuteko eta zalantzak argitzeko online bilerak izango ditugu urtarrilaren 19an eta 20an. Bilera horietan parte hartzeko interesa baduzue, bete ezazue jarraian daukazuen galdetegia. Galdetegia betetzeko epea zabalik egongo da urtarrilaren 13tik 15era.

 

 

ONLINE BILERARAKO IZENA EMAN

Baheketa

2020_12_20

Lehenik eta behin adierazi behar dizuegu baheketarako deiaren erantzuna oso ona izan zela eta goizean zehar 419 test egin zirela. Behaketa DBHko ikasleei, ikastetxean zeuden eta nahi izan zuten batxilergoko ikasleei, irakasleei eta ikastetxeko gainerako langileei  egin zitzaien. Horien artean 8 positibo irten dira, 7 asintomatikoak.

Atzoko egunean zehar, zuek eta DBHko ikasleek helarazi zenizkiguten kezkak kontuan izanda, Arabako osasun-arduradunekin harremanetan jarri ginen  osasunari dagokionez, opor aurretik geratzen diren egunetan nola jokatu behar dugun adieraz ziezaguten.

Hauxe izan da bere gomendioa:

Nos parece una medida recomendable y adecuada que los últimos días de clase se den online a los alumnos de la ESO y no acudan a clases presenciales.

El hecho de no dar positivo en el cribado de ayer no excluye que positivicen más adelante, por lo que sería una buena medida para cortar la cadena de transmisión del virus en el centro.

Por otro lado, de cara a las familias con hijos con resultado negativo en el cribado, estos alumnos no tienen que permanecer aislados en el domicilio (a no ser que se les contacte desde el equipo gestor de casos por considerarlos como contactos estrechos), pero si es conveniente que hagan una vigilancia activa sobre la aparición de fiebre u otros síntomas compatibles con la infección por coronavirus, en cuyo caso deben contactar inmediatamente con su médico de cabecera.

Horregatik, Osasun zuzendaritzaren gomendioari jarraituz eta gure hezkuntza-komunitateko kide guztien osasuna zaintzea izanik gure lehentasuna, Ikasbideako zuzendaritzak, IGEari eta Hezkuntza Sailari kontsultatuta, astelehen eta astearterako aurreikusita zeuden eskolak aurrez- aurre EZ ematea erabaki du. Beraz, geratzen diren DBHko klaseak ONLINE emango dira.

Ikasleak, klaseak jarraitzeko,  Ikasbidearen webgunean dagoen ikaslearen txokotik sartu ahalko dira,  edo posta elektronikoaren bidez, calendar... edo irakasleekin adostutako beste komunikabide batzuk erabili ahal izango dituzte.

Eskola gehienak ematen saiatuko gara, baina kontuan izan zenbait irakaslek positibo eman dutela eta egun hauetan ez dugula inor izango ordezkatzeko.

Materiala jasotzera etorri behar baduzue, mesedez, deitu lehenago telefonoz, etortzen zaretenerako dena prestatuta izateko. Gailu digitalen beharra baduzue ere, deitu eta prestatuko dizuegu behar duzuena.

Oharra: Batxiko klaseak orain arte bezala emango dira: presentzialak eta online konfinatuta daudenentzat.


Ondo izan eta zaindu ondo oporretan! Eutsi gogor! badakigu denok batera lortuko dugula!!

 

Baheketa masiboa

Dakizuen bezala, gaur, ostiralez, ikasle eta irakasleok baheketa masiboa egin dugu. Emaitza SMS bidez jasoko dugu mugikorrean 24 orduren buruan. Beronen arabera, bi jarrera har ditzakegu:
-Negatibo emanez gero, astelehenean ikastolara etorri eta eskola arruntak izango ditugu.
-Positibo emanez gero, berriz, zuekin jarriko dira harremanetan, eman beharreko urratsak jakinaraziz.

Gaur baheketan parte hartu duzuenez gain, bazaudete hainbat lagun aurrez etxean konfinatuta. Zuek badakizue bizitza arrunta egiten noiz hasi behar zareten. Hala dagokizuenean, ikastolara etorri beharko zarete.

Gainontzean, eskerrak ematea besterik ez dagokigu, baheketa saioa ondo atera baita denon lankidetzariesker. 

HEMEN zuzendariaren hitzak irakur ditzakezue

 

Margolana Idoia Muñoz

2020_12_16

Ziurrenik askok Lehen Hezkuntzako eraikinean dagoen koadro hau ezagutuko duzuela, beti bukatu gabe zegoela aipatu da. Aste honetan, 15 urte igaro eta gero, sortu zuen artista itzuli egin da amaitzeko. Inork ez zuen imajinatuko zer falta zen hain itxura ikusgarria izateko.

Eskerrik asko Idoia, artelan pertsonalizatu honetaz gozatzen uzteagatik.

ARGAZKI GEHIAGO IKUSI

Gorka Oriverekin solasaldia

2020_12_01

Gaur Gorka Orive, ikastetxeko gurasoa, arabar farmazialaria, farmazian doktorea eta Euskal Herriko Unibertsitateko irakaslea ikastetxean izan dugu. DBH3ko ikasleei COVID19 gaixotasunaren inguruko azalpenak eman eta ikasleek egindako galderekin haien kezka eta zalantzak argitzen saiatu da.

Esperientzia polita izan da eta egungo egoeraren jabe izateko azalpen egokiak izan dira, plazer bat da komunitatean ditugun Gorka moduko adituen parte hartzea Ikasbidean.

Mila esker.

Ikasturte hasierako guraso bileren egutegia.

2020_09_25

Hurrengo asteetan ikasturte hasierako guraso bilerak egingo dira. Aurten ON-LINE izango dira eta bileran sartzeko gonbidapena korreoz bidaliko zaizue. Hemen ikus ditzakezue datak eta ordutegiak. Zehaztugabe agertzen direnak ondorengo egunetan zehaztuko dira. Zuen zain gaude.

DBH 1 eta 2: irailak 29an (17:00) 

DBH 3 eta 4: irailak 30an (17:00) 

Batxilergokoak: urriaren 6an (17:00)

LH 1: Urriak 15

LH 2: 2A Urriak 8-2B eta 2D urriak 20

LH 3: Urriak 19

LH 4: Urriak 14

LH 5: Urriak 21

LH 6: Urriak 22

HH 2: Urriak 22

HH 3: urriaren 15an.

HH 4: eginda.

HH 5: urriaren 1ean (17:00 euskaraz) eta (18:00 gaztelaniaz).

IKASTURTE HASIERA

Azken berrien arabera, HH, LMH eta DBH 1 eta 2. mailetakoak irailaren 7an hasiko dira eta aurkezpen eguna izango da. 
HH eta LMHko aurkezpena 9:00etatik 11:00era izango da eta DBHkoa, berriz, 11:30etik 12:30era. 8an ordutegi arrunta izango dute.

DBH 3, 4 eta Batxilergokoak, aldiz, irailaren 15ean hasiko dira, betiko ordutegiarekin, hau da, 8:15etik 14:25era.

DENOK GARA IKASBIDEA!

2020_06_23

Bukatu da ikasturtea,  bai bitxia aurtengoa!  Baina urtero bezala,  oraingoan ere bidean agertu zaizkigun erronkei irtenbidea bilatu diegu.  Mila esker guztioi  bidelagun izateagatik!

 

 

"BARNE ESPAZIOAK" Batx 1 eta 2

2020_06_01

Proiektu honek erakusten du gure marrazkien bitartez, nola sentitu garen itxialdian, zertan jartzen genuen itxaropena, zerk laguntzen zigun egoera berezi horretan aurrera egiten... 
Espazio objektibo zein subjektibo baten laguntzaz adierazi dugu.

 

LIURUAREN EGUNA

22_04_2020

Apirilaren 23an Liburuaren Eguna ospatzen da, eta ba al dakizu zergatik ospatzen den egun horretan? Hainbat arrazoi daude baina nagusiena hauxe da ... ez galdu hurrengo bideoa zure jakin-mina asetzeko. Hemen egun hauetan irakurtzeko gida bat topa dezakezue. EGIN KLIK

 

Ikasbideako ausartak

2020_04_20

Ikasbidea Ikastolako LMH 1. zikloko irakasleok oso harro sentitzen gara ikasleak erakusten ari zareten jarrera zintzo eta arduratsuarekin. Horregatik, maitasunez bideotxo hau zuentzako da.