Eskolarteko bertso txapelketa
2023_06_01
Ikastolan bertsolaritza saio batean taldeka bertso bat egin behar genuela esan ziguten. Aitorrek gure bertsolaritzako irakasleak gure bertsoa aukeratu zuen Vitoria-Gasteizko bertsolaritza topaketara joateko.
Orduan Salburuako Gizarte Etxera joan ginen eta han bertsoa abestu genuen. Orain finalera joateko erantzuna itxaroten ari gara.
GURE BERTSOAK:
Txirrista bat nahi dugu
patiora joateko
diskoteka aretoan
asko dantzatzeko
Jantokira joateko
jaitsi tirolinan
eta bufet librea
izan jantokian
Maskota bat nahi dugu
klase bakoitzean
haiekin jolasteko
pistina batean
Ostiralero filma
eta palomitak
denbora pasatzen da
entzuneez tik-tak
Giza gakoa aniztasunezko elkarbanatzean datza
31_05_2023
Maiatzean, bizitzaz eta urez beteta, beste ikastetxe batzuekin (Ekialdea, Mendebaldea, Murgia institutuekin zein Ikasbidea ikastolarekin) DBHko 2. ikasmailako Erlijioko ikasleak elkartu ginen, egun bat goraipatzeko. TOKI ALAI zentroko basozainekin hasi ginen gure giza habitata ezagutzeko topagune bilakatuta argazki, animalia, lanbide, mitologia, bideo edo gymkanetan. Jarraian, SAIBIren gurutzera igo ginen, gerra zibila dela eta. Eguna argitu eta bazkaria barruraino sartu zen. Jaistea poz-iturri izan zen, eta gauza guztiekin egin dezakegula frogatu genuen.
Santutegira joan ginen, etxeko harriari bueltak ematera. FELIX, munduko ibiltaria gure zain zegoen eta Urkiolako San Antonioen santutegi honen indarra eta xumetasuna erakutsi zizkigun.Eta, etengabe, Elena eta Fran iritsi ziren Euskal Elizbarrutiko Misioen mezu solidarioa aurkezteko. Haren erakusketa historikoa eta Afrikaren nazioarteko eguna ezagutu genituen. Balazta bota eginzen eta denbora egon zen kulunketan eta inguruetan bazkaldu zein jolasteko ere.
Santa Apoloniako ur sakratua edandabusa hartu eta Lakuako meskitara joango ginen. ABIL, lagunak eta gazteak zain genituen ISLAM aurkezteko eta etxeko postreekin, teekin eta gainerako gozagarriekin bat egiteko asmoz.
Ze abegitsuak diren eta zein lan solidario egiten duten anonimoki! Sukram
"Elkarrekin joanda, igo eta jeitsiz, entzun eta hitzeginez haratago heltzeko prest izango gara"
Amets Arzallus
2023_05_30
Maiatzaren 12an oso bisita berezia izan genuen Ikasbideako aretoan: Amets Arzallus, bertsolari eta idazleak (besteak beste), hitzaldi bat eman zien DBH 3.mailako Proiektu Komunitarioko ikasleei, aurretik Miñan liburua irakurri eta landu zutenei. Jarduera hau Aita Mari eta SMH GKEaren proiektuekin lankidetzan aritzeko egiten ari diren jardueren barruan kokatzen da. Hona hemen topaketa horren argazki batzuk.
LGTBI Fobiaren aurkako nazioarteko eguna
2023_05_18
Maiatzaren 17an Ikasbidea Ikastolan aniztasuna aldarrikatu genuen berriro. Lehen hezkuntza osoko ikasleak, 470 pertsona inguru, festa giroan dantzatzen eta abesten egon ginen koloretako bandera osatzen genuen bitartean.
50. urteurreneko logo lehiaketa
2023_05_08
Ikasbidea Ikastolako 50. urteurrena dela eta Logo txapelketa bat antolatu zen. Lehen Hezkuntzan eta Bigarren Hezkuntzako 3 mailetan egin zen. Zaila izan zen lan guztien artean batzuk aukeratzea eta maiatzaren 2an sari banaketa egin zen. Ana Arregi zuzendariak banatu zituen sariak. Maila bakoitzeko lan bat aukeratu zen eta Elkar txartela eman zitzaien opari gisa. Lehen eta Bigarren Hezkuntzako logo irabazleekin murala egingo da Ikastolan.
Prudentzio Deunaren Erretreta 2023
2022_05_05
| Tuntunarekin turuten doinua Arabatarrok | TUNTUNA ETA ARABAR DENEK |
Suena el tun, tun Los alaveses, |
Euskera Ikasgelan
2023_05_04
DBH 1en antolatutako Euskara Ikasgelan leihaketaren arabera, euskara gehien erabili genuen 19 lagun Hontza Extremera joan ginen apirilaren 27an, horixe izan baikenuen saritzat. Gustura jardun genuen bertan! Lehenengo arku tiraketan ibili ginen eta ostean, zuhaitzez zuhaitz. Zirkuitu bakoitza tirolina batean amaitzen zen. Motz egin zitzaigun eguna!
Aste Kulturala
2023_05_03
Aste Santuaren aurreko egunetan ikastetxean Batxilergoko lehen mailako ikasleei zuzendutako kultur astea ospatu zen.
Ikasleek poesia tailerrak (Angela Mallenekin), tatuajeak (Jon Castillorekin), Muay Thai (Eider Bernaolarekin) eta sukaldaritza (Iñaki Telleriarekin) egin zituzten.
Hemen ekintzen argazki batzuk dauzkazue.
Gure batxilergoko ikasleak bertso-saioan
2023_04_25
Aurreko ostiralean, apirilak 21, batxilergoko ikasleek bertso-saio baten entzule izateko aukera izan zuten. Alaia, bizia eta umoretsua izan zen saioa.
Eskerrik asko, Peru Abarrategi, Sustrai Colina, Gari Arexolaleiba, Aroa Arrizubieta, Eukene de los Aires eta Uxue Diaz de Ceriori! Zuei esker asteari bukaera ederra eman genion!
Alebinek garaikurra ekarri dute Ikasbidera
2023_04_19
Igande honetan Jon Echevarrik, Jon Beltranek, Alex Vilchesek eta Unai Bercianok lehen postua lortu dute. Zorionak, mutilak!
Ikasbideako eskolaz kanpoko jardueren azken berriak ez galtzeko, bisitatu
