Bego Ariznabarreta LH5-eko ikasleekin
2023_11_28
LH 5. mailako ikasleok historia lantzen ibili gara hiruileko honetan. Espainiako gerrate zibila eta frankismo graia hobeto ulertzeko aitite-amama askoren testigantzak eta anekdotak jaso eta geletara ekarri ditugu. Amama horien artean Bego Ariznabarreta topatu genuen. Begok bere aitaren eskuizkribu zaharrak etxean topatu eta ikerketa interesgarria burutu zuen honen inguruan. Bererakin harremanetan jarri eta gurekin partekatzeko eskatu genion. Milizianoak, errusiarrak, txinatarrak, brigadistak, marinelak… hamaika istorio interesgarri partekatu ditu gurekin eta asko difrutatu dugu esperientziaz.
Mila esker Bego!
50.urteurrenaren ekitaldi ofizialaren bideoa
20223_11_21
Ikasbideak 50 urte bete ditu. Duranako Ikastolak ikasle, irakasle eta guraso ohiak bildu ditu oroitzapenez beteriko ekitaldi hunkigarri batean. Ezin izan bazinen joan hemen duzu bideoa
50.urteurrena, ekitaldi ofizialren argazkiak
2023_11_16
Ikasbideak 50 urte bete ditu. Duranako Ikastolak ikasle, irakasle eta guraso ohiak bildu ditu oroitzapenez beteriko ekitaldi hunkigarri batean.
Noticias de Alava egunkarian irudiak ikusgai dituzue.
eTwinning Kalitate Zigilua lortu dugu!
2023_11_14
Pasaden ikasturtean, DBH 2ko ikasleak Kosiceko (Eslovakia) Základná skola-ko ikasleekin batera aritu ziren lanean, eTwinning programa europarraren barruan, Culture or "cool tour"? proiektuan. Orain, DBH 3ko ikasle gisa, Maitane Ajler, Aiora Areitioaurtena, Ibai Casas, Ainhoa Cerro, Ion Monje, Malen Olalde, Iratxe Puente eta Gaizka Quintanak, Arantzazu Villarejo ingeles irakaslearekin batera, eTwinning-en Kalitate Zigilua jaso dute proiektu horrengatik. Ikasleek lan bikaina egin zuten ingelesez eta oso harro gaude. Aipamen honek eTwinning proiektuetan lanean jarraitzera animatzen gaitu. Zorionak egindako lan bikainagatik!
Peru-Harri museoa
2023_11_10
Ikasturte hasiera honetan 3. DBHko ikasleek Euskal Herriko pertsonaia interesgarrienetako bat ezagutu eta hark sortutako museoaz goazteko aukera bikaina izan zuten: Iñaki Perurena eta Leitzako Peru-Harri museoa. Urriaren 23an egin zuten irteera, eta eguraldi paregabeak lagunduta, Perurenak bere baserria eta inguruan sortu dituen artelanak erakutsi zizkien. Gainera, euskal tradizioei eta herri kirolei buruzko saio bikaina ere eman zien, bere ahots eta euskara bikainak lagunduta. Ikasleek Perurenaren hitzekin gozatzeaz gain, herri kiroletan ahalegintzeko aukera ere izan zuten, eskoletako jolasetan ohikoak diren lokots eta sokatiran esaterako, baina baita harria jasotzen ere. Baserriaren inguruan ibilalditxoa egin ondoren, azken sorpresa bat ere eman zien Iñakik: Basajaun agurtu zuten ikasleek oihu handi bat eginez, eta hark inguruko basoren batetik erantzun egin zien.
