Kudeaketa akademikoa internetez


                  -SARTU


Martxoak 8 - M8

2021_03_15

DBHko 4. mailako ikasleek osatutako Berdintasun Batzordeak feminismoarekin eta mikromatxismoarekin lotutako gaiak jorratu ditu DBHko 3. eta 4. mailetan.

RADIO VITORIA GAUR ACTUALIDAD

2021_03_04

Ikasbideko ikasleek historia ezagutzea eskatu dute, berriro gerta ez dadin

Josu Santamarina Memoria Gara-ren historialaria eta ikasle ohia Ikasbidea Ikastolan izan da 15 eta 16 urte bitarteko bigarren hezkuntzako ikasleei Zaramagan duela 45 urte gertatutakoa azaltzeko.
Ikasbideko bigarren hezkuntzako laugarren mailako neska-mutilak gehien harritu dituena bost hilketengatik inork ordaindu ez izana izan da. Horregatik, ondorioztatzen dute beharrezkoa dela historia ezagutzea, berriro gerta ez dadin.

Saio osoa entzuteko egin KLIK

JANARI BILKETA

2021_03_03

Ikasbideako Ikasle Autodefentsa Saretik (IKAS) eskerrak eman nahi dizkizuegu Elkartasun Biltegiarentzat burutu genuen janari bilketan zuen ekarpena egin zenuten ikasle, irakasle zein familia kideei. Izugarria izan da lortutako janari kopurua.

Mila esker!

SERGIO ARMENTIAK DIBERTSIFIKAZIOKO IKASLEAK BISITATU DITU

2021_03_02

Duela egun batzuk Sergioren bisita jaso genuen dibertsifikazioko ikasleok.
Sergio Armentia Lopez de Aretxabaleta Arkaia herrikoa da,  Ikasbidea IPI-n ikasi zuen DBH eta dibertsifikazioko taldean egin zituen 3. eta 4. maila. Bere esperientzia kontatu zigun, irakasleekin izandako harremana, ikasketekin izandako zailtasunak, dibertsifikazioko ikaslea izateagatik berarengan batzuek jarritako mugak eta espektatiba exkaxak, bere asmoak egia bihurtzeko egindako borroka…
Ikasbideako bere esperientzia eta gero Batxilergoa ikasi zuen Unamuno BHIn eta gaur egun besteak beste, Zuzenbidean graduatua da Deustuko Unibertsitatean, abokatutzako masterra ikasi du Madrilgo UCMn eta burtsa eta inbertsioetako masterra ere ikasten dabil.
Ederra izan zen bere bizipenak entzutea eta bere gomendioak jasotzea. Adibide bikaina da Sergiorena guretzat, buruan ditugun ametsak kosta ahala kosta aurrera eramateko indarra ematen diguna.

 

Eskerrik asko Sergio!!

Ikasbidea IPIko Dibertsifikazioko ikasleak

Agate Deuna LMH

2021_02_26

Otsailaren 4an, LMHkoak eskolako patioan "OLES OLES LURRA ESNA ZAITEZ" eta "SANTA AGEDA" abestiak kantatu genituen. Ondoren, festa dantza egiten bukatu genuen.

 

Inauteriak Lehen Hezkuntzan

2021_02_24

Aurten ikasturte berezia izan arren ihauteriak ospatzea lortu dugu. 
Egunean zehar botatako zaparradei aurre egin eta euritan dantzatu dugu!
Eskerrik asko denori jaialdia antolatu eta bertan parte hartzeagatik!

Amerikako Ikuskizuna LMH 4

2021_02_03

LMHko 4. mailako ikasleak Amerikara joan gara eta bertako tribu ezberdinak ezagutu ditugu. Hemen daukazue gure bidaiaren oroitzapena.

 

AZKENIK ESTIBALIZ!!

2021_01_25

IKASTOLAko DBH-1ko ERLIJIO ikastaldea, ilusioz zein ausardiaz beterik, hilak 21, joan den ostegunean, ALEGRÍA-DULANTZIraino trenaz joan ginen gure etxera txiringaz itzuli egin ginelarik

Euriaren begiruneaz tenperatura hotzak eta haizeak gehiago animatu gintuzte gure erronka betetzeko: IZAN ELKARREKIN ONGI IGAROZ NOLA IKASIZ.

Hiru gurasoen laguntza izan genuen (furgoneta-laguntzailea: BELÉN eta erratza eramanez: ALFONSO eta JUANJO), baita ANDER, Historiako irakaslea ere Erlijioko Abettorekin batera.

Naturaz blai, gailur elurtuei begira, mirespen eta begirunezko uneak honakoekin partekatu genituen: EMILIANO, Estibalizeko beneditar lekaidea, MANU “diakonoa” eta ANE harrerazko senar-emazteak (16 seme-alabak), OSCAR “Estibalizeko «menas»en psikologoa” eta ESTI Andoilu herriko adingutxiko neskeentzako “GaztaroanEkin-ekohezitzailea”. Halaber, CARLOS “erizaina” y BEA, Arkaia herriko senar-emazteak «etxe irekian» eta Salburua auzoko «BerriOna-ko JESÚS “apaiza”,  SILVIA eta LOURDES “laguntzaile”ekin batera.

Nahiz eta bi taldeetan banandurik, Covid-19ren «bapateko» bisita izanda, ganbara bat aldatu behar izana, baita balaztak bi aldiz konpondu ere edota lorzoruan eserita izan arren  IRRIFARRA izan da gure ikurra. Ez, ez genituen ebakuntza jasandakoak edota etorri ez ziren ikaskideak ahaztu.

“Irteerazko topaketa” hau egia bilakatu egin duzuen guztioi: bihotz-bihotzetik ESKERRIK ASKO!

 

ARGAZKI GEHIAGO IKUSI

Baheketa

2020_12_20

Lehenik eta behin adierazi behar dizuegu baheketarako deiaren erantzuna oso ona izan zela eta goizean zehar 419 test egin zirela. Behaketa DBHko ikasleei, ikastetxean zeuden eta nahi izan zuten batxilergoko ikasleei, irakasleei eta ikastetxeko gainerako langileei  egin zitzaien. Horien artean 8 positibo irten dira, 7 asintomatikoak.

Atzoko egunean zehar, zuek eta DBHko ikasleek helarazi zenizkiguten kezkak kontuan izanda, Arabako osasun-arduradunekin harremanetan jarri ginen  osasunari dagokionez, opor aurretik geratzen diren egunetan nola jokatu behar dugun adieraz ziezaguten.

Hauxe izan da bere gomendioa:

Nos parece una medida recomendable y adecuada que los últimos días de clase se den online a los alumnos de la ESO y no acudan a clases presenciales.

El hecho de no dar positivo en el cribado de ayer no excluye que positivicen más adelante, por lo que sería una buena medida para cortar la cadena de transmisión del virus en el centro.

Por otro lado, de cara a las familias con hijos con resultado negativo en el cribado, estos alumnos no tienen que permanecer aislados en el domicilio (a no ser que se les contacte desde el equipo gestor de casos por considerarlos como contactos estrechos), pero si es conveniente que hagan una vigilancia activa sobre la aparición de fiebre u otros síntomas compatibles con la infección por coronavirus, en cuyo caso deben contactar inmediatamente con su médico de cabecera.

Horregatik, Osasun zuzendaritzaren gomendioari jarraituz eta gure hezkuntza-komunitateko kide guztien osasuna zaintzea izanik gure lehentasuna, Ikasbideako zuzendaritzak, IGEari eta Hezkuntza Sailari kontsultatuta, astelehen eta astearterako aurreikusita zeuden eskolak aurrez- aurre EZ ematea erabaki du. Beraz, geratzen diren DBHko klaseak ONLINE emango dira.

Ikasleak, klaseak jarraitzeko,  Ikasbidearen webgunean dagoen ikaslearen txokotik sartu ahalko dira,  edo posta elektronikoaren bidez, calendar... edo irakasleekin adostutako beste komunikabide batzuk erabili ahal izango dituzte.

Eskola gehienak ematen saiatuko gara, baina kontuan izan zenbait irakaslek positibo eman dutela eta egun hauetan ez dugula inor izango ordezkatzeko.

Materiala jasotzera etorri behar baduzue, mesedez, deitu lehenago telefonoz, etortzen zaretenerako dena prestatuta izateko. Gailu digitalen beharra baduzue ere, deitu eta prestatuko dizuegu behar duzuena.

Oharra: Batxiko klaseak orain arte bezala emango dira: presentzialak eta online konfinatuta daudenentzat.


Ondo izan eta zaindu ondo oporretan! Eutsi gogor! badakigu denok batera lortuko dugula!!

 

Baheketa masiboa

Dakizuen bezala, gaur, ostiralez, ikasle eta irakasleok baheketa masiboa egin dugu. Emaitza SMS bidez jasoko dugu mugikorrean 24 orduren buruan. Beronen arabera, bi jarrera har ditzakegu:
-Negatibo emanez gero, astelehenean ikastolara etorri eta eskola arruntak izango ditugu.
-Positibo emanez gero, berriz, zuekin jarriko dira harremanetan, eman beharreko urratsak jakinaraziz.

Gaur baheketan parte hartu duzuenez gain, bazaudete hainbat lagun aurrez etxean konfinatuta. Zuek badakizue bizitza arrunta egiten noiz hasi behar zareten. Hala dagokizuenean, ikastolara etorri beharko zarete.

Gainontzean, eskerrak ematea besterik ez dagokigu, baheketa saioa ondo atera baita denon lankidetzariesker. 

HEMEN zuzendariaren hitzak irakur ditzakezue