Berriak

Ipuinak sexistak al dira?

2021/06/21

Aztertzeko aukera izango duzu Berdintasun Taldeak sortu duen ?? Ipuin Ez Sexisten Gidarekin.
Baita ipuin ez sexisten zerrenda bat osatu dugu.

Gida egiteak esfortsu handia suposatu du, baina baliabide ikaragarria atera dela uste dugu.

Irakurketa gozatu eta gogoratu berdintasuna sustatzen duten ipuinak bilatu eta sexismoa sostengatzen duten alboratu edo birmoldatu!

Errekabarri Ikasleen Guraso Elkarteak egindako gida ikusteko, sakatu hemen

HEZIKETA DIGITALA

2021/06/01

Kaixo familiak, zer moduz zaudete?

Ikasbidea Ikastolako Guraso Elkartetik HEZKUNTZA DIGITALAri buruzko hitzaldia antolatu dugu.

NOIZ: ekainaren 3a arratsaldeko 18:00etan

NON: Salburuako Gizarte Etxeko batzar aretoan.

Gai hauei buruz hitz egingo dugu:

- Adingabekoak teknologiaren erabilpen konszientea egiteko heziketa irizpideak

- Guraso kontrolak (aplikazio motak eta erabilera)

- Sare sozialen eta online jolasen arriskuak eta prebentzioa lantzeko irizpideak

Formakuntza MC sonrisas enpresa gidatuta izango da, VITAL FUNDAZIOAK finantziatuta.
Enpresa hau ikasleei prestakuntza eskaintzen egon da ikastolarekin elkarlanean.Guraso
Elkartetik gaurkotasun handiko hitzaldi honetan parte hartzera animatzen zaituztegu honako bi modu hauetan:

1. Aurrez-aurre (Gizarte Etxean bertan, aretoan)
2. Linean meet plataformaren bidez. https://meet.google.com/wpu-qptk-vkm

Asistentzia kontrolatzeko arazoak direla eta, batez ere aurrez aurre, esteka bat bidaltzen
dizugu bertatik hitzaldian izena emateko. Izena emateko epea ekainaren 2an, asteazkena,
arratsaldeko 20: 00ak arte izango da. https://forms.gle/dgPNDVJRbeFhw57eA

Ekitaldi honetarako udalak eskatzen dituen segurtasun neurri guztiak ezarriko dira.

Eskerrik asko guztioi,

ITURRIBERO GURASO ELKARTEA

2020-2021 URTEKARIKO ARGAZKIAK EGITEKO OHARRA

2021/02/28

Kaixo guztioi,

Ohar honen bidez jakinarazi nahi dizuegu, ikastolako zuzendaritzarekin adostu ondoren, erabaki dugula aurtengo urtekarirako argazkiak egitea, edo egiten saiatzea behintzat.

Argazkiak MARTXOAREN 3an (asteazkena) eta 5ean (ostirala) egingo dira (HH 2 urteko gelak izan ezik, beste egun batean egingo direlako).

Horregatik, argazkiak egiteko prozesua zein izango den azaldu nahi dizuegu, zuek jakin dezazuen (beste ikastetxe batzuetan erabili duten prozesu berbera da): Beti bezala, gelaz-gela joango dira argazkiak egiteko prestatu dugun lekura, musukoa ipinita, jakina (HHko gelak izan ezik, beraiek ez dutelako derrigorrez musukorik eraman behar). Bertan ikasleak kokatuko ditugu, segurtasun tartea mantenduz eta musukoarekin. Denak kokatuta daudenean, argazkilariak esango die: ..“3,2,1 orain!”.. eta momentu horretan ikasle bakoitzak bere musukoa kendu, eskuetan hartu eta eskuak gorputzaren atzekaldean jarriko ditu. Horrela egonda, 5-10 segundutan, argazkilariak behar dituen argazkiak aterako ditu. Honek bukatzen duenean, berriro musukoa ipiniko dute lekutik mugitu gabe, eta gelara bueltatuko dira, beste talde batekin kontaktuan egon barik.

Garrantzitsua: familiaren batek, edozein arrazoirengatik, EZ badu nahi bere semealabei argazkiak egitea, hau da, gelako argazkian ez agertzea, mesedez, jakinarazi behar diguzue mezu bat bidaltzen mail helbide honetara, MARTXOAREN 1a baino lehen:

ikasbideaurtekaria@gmail.com

Mezu hori bakarrik argazkietan agertzea nahi EZ dutenek bidali behar dute, eta mesedez, garrantzitsua da mezuan aipatzea :

Ikaslearen izen abizenak + kurtsoa + taldea Adibidez: Rakel Bengoa Arana LH 5D

Mila esker

Iturribero Guraso Elkartea